Роден е на 20 јануари
1972 година во село Саса, општина Македонска Каменица. Основно образование
завршил во училиштето „Св. Кирил и Методиј“ во Македонска Каменица, а средно во
гимназијата „Љупчо Сантов“ во Кочани. Дипломирал на Природно-математички
факултет (ПМФ), Институт за физика во 1998 година и се стекнал со звање
дипломиран професор по физика. Од 1999 до 2002 година работи како наставник по
физика во гимназиите во Кочани, Делчево и Македонска Каменица. Потоа работи во
Секторот за криминалистичка техника при Министерството за внатрешни работи на
Р. Македонија, а од 2003 година е вработен на Природно-математичкиот факултет
во Скопје. Во 2007 година магистрирал на истиот факултат и се здоби со академски
степен магистер на физички науки - насока методика на наставата по физика. Во
2013 година по одбрана на докторската дисертација (на ПМФ во Скопје) од областа
на методика на наставата по физика се стекнува со научен назив доктор на
физички науки.
Доц. д-р Боце Митревски е вработен
на ПМФ во Скопје. Изведувал настава (предавања и вежби) по повеќе предмети за
студенти од ПМФ на студиските групи по физика, математика-физика, биологија,
хемија и на студенти од други факултети. Учествувал во повеќе проекти, посетувал
повеќе предавања, семинари, работилници и школи. Исто така, на таквите
активности бил и предавач, односно обучувач, како на пример: неколку Темпус
проекти, Оценување на знаењата и способностите на учениците со примена на
Блумовата таксономија, Едубунту, Примена на истражувачка постапка во наставата
по предметите природа, природни науки и природни науки и техника, Современа
настава по физика и други. Има објавено повеќе научни и стручни трудови во
домашни и меѓународни списанија, учествувал со усни или постерски презентации
на повеќе од дваесетина научни конференции на теми од областа на образованието
по физика и природни науки.
Постојано е вклучен во активностите
на Друштвото на физичарите на Република Македонија (ДФРМ), како што се
натпревари по физика, Школа „Млади физичари“, конференции на ДФРМ и сл. Доц.
д-р Боце Митревски од јануари 2015 година е претседател на ДФРМ.
No comments:
Post a Comment